COLLAGE NARRATIBOA

Collagea irudiak berridazteko eta lekuz aldatzeko praktika da. Argazkiak ez dira hemen egiaztatzeko dokumentuak, baizik eta esku artean hartu eta eraldatu daitezkeen materialak.

Aurreko irudiekin lan egiten da —artxibo pertsonalak, prentsako argazkiak, sareko hondarrak—, haien jatorrizko zentzua askatzeko. Irudiak moztu, nahastu eta berrantolatzean, narrazio berriak agertzen dira, eta irudiaren autoritatea kolokan jartzen da.

Collageak memoria eta fikzioa gurutzatzen ditu, eta irudi batek zer kontatzen duen —eta nork erabakitzen duen hori— galdera bihurtzen du. Ez da emaitza itxi bat bilatzen, baizik eta irudiaren erabilera desegonkortzea: esanahia ez da finkoa, eraikitzen den zerbait baizik.